رووداو دیجیتاڵ
بەڕێوەبەری پۆلسیی هەولێر دەڵێت، بە تۆمەتی رێگری و بە زۆر دەستدرێژیکردنەسەر ئافرەتان 4 کەسیان دەستگیرکردووە.
رۆژی سێشەممە، 11ـی نیسانی 2021، عەمید دلێر نەجار، بەڕێوەبەری گشتیی پۆلیسی هەولێر بە تۆڕی میدیایی رووداوی گوت، بە تۆمەتی رێگریکردن و "بە زۆر" دەستدرێژیکردنە سەر ئافرەتان ئەمڕۆ چوار تۆمەتباریان دەستگیرکردووە.
(د، ا، م، س- س، خ هـ- ا، ا و م، ک، ا) چوار تۆمەتبارەکەن کە دۆسییەی لێکۆڵینەوەیان بۆ کراوەتەوە.
بەگوێرەی بەرەنگاربوونەوەی تووندوتیژیی دژی ژنان و خێزان بۆ رووداو، لە 11 مانگی ساڵی رابردوو 14 هەزار و 945 سکاڵای تووندوتیژیی خێزانییان وەرگرتووە. هەروەها ساڵی رابردوو 80 ژن هەڵخەڵەتێنراون و 63 ژنیش ناپاکیی هاوژینییان بەرامبەر کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ