رووداو - دیجیتاڵ
سەرچاوە خۆجێییەکانی هەواڵ لە رۆژهەڵاتی کوردستان بڵاویانکردەوە کە لەسەر سنووری شنۆ کۆڵبەرێک بە تەقەی پاسدارانی ئێران کوژراوە و دوو کۆڵبەریش بریندار بوون و، ژمارەیەکیشیان دەستگیرکراون.
لە سنووری دەرگادەری سەر بە شاری شنۆ لە رۆژهەڵاتی کوردستان، هێزەکانی سوپای پاسدارانی ئێران تەقەیان لە ژمارەیەک کۆڵبەر کردووە و لە ئەنجامدا کۆڵبەرێک گیانی لەدەستداوە و دوو کۆڵبەریش بریندار بوون.
ئەو کۆڵبەرەی گیانی لەدەستداوە، ناوی محەممەد ئەمین ئەحمەدییە و خەڵکی گوندی لاجانی ناوچەی مەرگەوەڕە، دوو کۆڵبەرەکەی دیکەش بە سەختی بریندار بوون و گوازراونەتەوە نەخۆشخانەی شنۆ.
بەگوێرەی زانیارییەکان، هێزەکانی سوپای پاسداران دوای تەقەکردن لە کۆڵبەران، شەش کۆڵبەریشیان دەستگیرکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ