مەسرور بارزانی لە یادی مەولوود: هیوادارین ئەم بۆنە پیرۆزە ببێتە هۆی قووڵکردنەوەی کولتووری تەبایی و لێبوردەیی

 

ئەمڕۆ یادی لەدایکبوونی پێغەمبەری ئیسلامە محەممەد (د.خ) کە لە رۆژی دووشەممە 12ی ربيع الأول لە ساڵی 571ی میلادی لە مەککە لەدایکبووە. لە تەمەنی 40 ساڵیدا و له 17ی رەمەزان، له ئەشكەوتی حەڕا لە مەککە خودا پەیامی بۆ ناردووە و بووەتە پێغەمبەر.

 

ئەمڕۆ شەممە 08-10-2022، مەسرور بارزانی، سەرۆکوەزیرانی هەرێمی کوردستان بەوبۆنەیەوە پەیامێکی پیرۆزبایی بڵاوکردەو و رایگەیاند، "لە خوای مەزن و دلۆڤان دەپاڕێینەوە، ئەم بۆنە پیرۆزە، ببێتە هاندەرێکی زیاتر، بۆ برەودان بە بەها بەرز و مرۆییەکانی ئایین و قووڵکردنەوەی کولتووری تەبایی و لێبوردەیی و بەیەکەوەژیانی ئاشتییانە لە نێو گەلانی جیهاندا."

 

 

بەبۆنەی رۆژی لە دایکبوونی پێغەمبەر ئیسلام حەزرەتی موحەممەد ( دروودی خوای لە سەر بێت) گەرمترین پیرۆزبایی ئاراستەی گشت موسڵمانانی کوردستان و عێراق و جیهان دەکەم.

 

لە خوای مەزن و دلۆڤان دەپاڕێینەوە، ئەم بۆنە پیرۆزە، ببێتە هاندەرێکی زیاتر، بۆ برەودان بە بەها بەرز و مرۆییەکانی ئایین و قووڵکردنەوەی کولتووری تەبایی و لێبوردەیی و بەیەکەوەژیانی ئاشتییانە لە نێو گەلانی جیهاندا.

 

مەسرور بارزانی 

سەرۆکی حکومەتی هەرێمی کوردستان