کوردستان
کۆبوونەوەی سه‌رۆكى هه‌رێمى كوردستان و به‌ڕێوه‌به‌رى گشتيى رێكخراوى نه‌ته‌وه يه‌كگرتووه‌كان بۆ په‌روه‌رده و زانست و رۆشنبيرى (يونسكۆ)
رووداو دیجیتاڵ
سه‌رۆكى هه‌رێمى كوردستان لەگەڵ به‌ڕێوه‌به‌رى گشتيى رێكخراوى نه‌ته‌وه يه‌كگرتووه‌كان بۆ په‌روه‌رده و زانست و رۆشنبيرى (يونسكۆ) کۆبووەوە و پشتگیری بۆ پڕۆژەکانیان دووپاتكرده‌وه.
رۆژی چوارشه‌ممه 08-03-2023، له هه‌ولێر نێچيرڤان بارزانى، سه‌رۆكى هه‌رێمى كوردستان له‌گه‌ڵ ئۆدرى ئازوولاى، به‌ڕێوه‌به‌رى گشتيى رێكخراوى نه‌ته‌وه يه‌كگرتووه‌كان بۆ په‌روه‌رده و زانست و رۆشنبيرى (يونسكۆ) کۆبووەوە.
بەگوێرەی راگەیێندراوی سەرۆکایەتیی هه‌رێمى كوردستان، هەردوولا باسيان له كار و چالاكييه‌كانى يونسكۆ له هه‌رێمى كوردستان و عێراق كرد و تيشكيان خسته‌سه‌ر ئه‌و شوێنانه‌ى هه‌رێمى كوردستان كه شوێنه‌وارى مێژوويى و دێرينيان تێدايه.
پرۆژه‌ى نۆژه‌نكردنه‌وه‌ى قه‌ڵاى دێرينى هه‌ولێر، ته‌وه‌ريێكى ديكه‌ى كۆبوونه‌وه‌كه بوو، سەرۆکایەتیی هه‌رێمى كوردستان دەڵێت، ئۆدرى ئازوولاى ئاماژه‌ى به هه‌نگاو و قۆناخه‌كانى پرۆژه‌كه كرد و سوپاس و پێزانينى بۆ لايه‌نه په‌يوه‌ندیداره‌كانى هه‌رێمى كوردستان ده‌ربڕى، بۆ ئه‌و هاوكارى و هاوئاهەنگییەی پێشكێش به تيمه‌كانى يونسكۆى ده‌كه‌ن.
لاى خۆيه‌وه، نێچيرڤان بارزانى كار و چالاكييه‌كانى يونسكۆى له عێراق و هه‌رێمى كوردستان به‌رز هه‌ڵسه‌نگاند و هه‌موو پشتگيرييه‌كى لايه‌نه په‌يوه‌نداره‌كانى هه‌رێمى كوردستانى بۆ پرۆژه‌كانيان دووپاتكرده‌وه.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ