رووداو دیجیتاڵ
لەسەر شەقامی 120 مەتری نزیک فڕۆکەخانەی نێودەوڵەتیی هەولێر ئۆتۆمبێلێک لە کچێک دەدات و دەستبەجێ گیان لەدەستدەدات.
ئەمڕۆ سێشەممە 05-10-2021 فازڵ حاجی، گوتەبێژی هاتووچۆی هەولێر بە تۆڕی میدیایی رووداوی راگەیاند، "کاژێر 1:05 خولەکی نیوەڕۆ لەسەر شەقامی 120 مەتری ئۆتۆتمبێلێکی جۆری نیسان سێنترا لە کچێکی21 ساڵان دەدات و کچەکە دەستبەجێ گیان لەدەستدەدات".
فازڵ حاجی ئاماژەی بەوەشدا، لێکۆڵینەوەکان لەلایەن پۆلیسەوە دەستیان پێکردووە و تاوەکو ئێستا هۆکاری رووداوەکە بە تەواوی رووننەکراوەتەوە.
گوتەبێژی هاتووچۆی هەولێر پێشتر لە فەیسبووکی خۆی رایگەیاندبوو، ئەو کەسانەی لەسەر شەقامی 120 مەتری دەپەڕنەوە و بەرزەپردەکان بەکارناهێنن، ئەگەر تووشی رووداوی هاتووچۆ بوون، شۆفێرەکە تاوانبار نییە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ