پێشانگەی نێودەوڵەتیی هەولێر دەکرێتە نەخۆشخانەی تایبەت بە کۆرۆنا

 

دلۆڤان محەممەد، بەڕێوەبەری گشتیی تەندروستی هەولێر بە رووداوی راگەیاند، پیشانگەی نێودەوڵەتیی هەولێر دەکرێتە نەخۆشخانەیەکی تایبەت بە تووشبووانی کۆرۆنا وەک ئامادەکاری بۆ زیادبوونی ژمارەی تووشبووانی کۆرۆنا لە داهاتوو، پلانمان وایە ئەو نەخۆشانەی تێدا دابنەین کە بە سووکی ڤایرۆسەکەیان پێدەگات.

 

بەڕێوەبەری تەندروستیی هەولێر ئاماژەی بەوە کرد، سەرقاڵی کارکردنین بۆ رێخستنی نەخۆشخانەکە و دەتوانین 250 نەخۆشی تێدا دابنرێت، لە چەند رۆژی داهاتوودا بەتەواوی ئامادە دەبێت.

 

لە شاری هەولێر هەردوو نەخۆشخانەی ئیمارتی و پێشمەرگە تووشبووانی کۆرۆنایان تێدایە، کە 75 نەخۆش لە خۆدەگرێت، یەکێک لە نهۆمەکانی نەخۆشخانەی رزگاری تایبەتکراوە بە تووشبووانی کۆرۆنا، هەر کەسێکی دیکە تووشبێت دەبرێتە نەخۆشخانەی رزگاری.