دیمەنێکی شوێنی رووداوەکە
رووداو دیجیتاڵ
گوتەبێژی پۆلیسی هەولێر رایدەگەیێنێت، بەیانیی ئەمڕۆ هێزەکانیان لە رووداوێکی کوشتن ئاگادارکرانەوە و دوای گەیشتنیان بە شوێنەکە، دەرکەوت کە هاونیشتمانییەک لە لایەن کوڕە خەزورێکییەوە کوژراوە.
ئەمڕۆ یەکشەممە، 05-03-2023، هۆگر عەزیز، گوتەبێژی پۆلیسی هەولێر بە رووداوی گوت، ئەو کەسەی کە کوژراوە تەمەنی 42 ساڵە و پێنج منداڵی هەیە. گوتیشی، تۆمەتبارەکە کوڕێکی خەزووری کوژراوەکەیە و رووداوەکە بەهۆی کێشەیەکی کۆمەڵەیەتییەوە بووە.
رووداوەکە لە شەقامی کوران لە هەولێر روویداوە و کوژراوەکە ناوی شوان عومەر قادرە.
تاوەکو ئێستا تۆمەتباری رووداوەکە دەستگیر نەکراوە. گوتەبێژی پۆلیسی هەولێر دەڵێت، لێکۆڵینەوەیان لە رووداوەکە دەستپێکردووە و لە هەوڵدان بۆ دۆزینەوە و دەستگیرکردنی تۆمەتبارەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ