رووداو دیجیتاڵ
لە چیای قەلەڕەش لە سنووری قەزای سیدەکانی ئیدارەی سەربەخۆی سۆران، مین بە هاونیشتمانییەکدا تەقییەوە و گیانی لەدەستدا.
رابەر ئەنوەر، بەرپرسی راگەیاندنی دەزگای گشتیی کاروباری مین - هەولێر بە رووداوی راگەیاند: بەیانیی ئەمڕۆ چەند کەسێک پێكەوە چوونەتە چیای قەلەڕەش لە سنووری سیدەکان بۆ مەبەستی هێنانی گیا بەهارییەکان و لەوێ مینێک بە کەسێکدا تەقیوەتەوە و گیانی لەدەستداوە کە ناوی (نازم ساڵح)ـەو تەمەنی 33 ساڵانە؛ خێزاندارە و باوکی دوو منداڵە، گوتیشی ئیستا تەرمی ئەو کەسە لە شوێنی رووداوەکە هێندراوەتەوە و رەوانەی دادپزیشکی سۆران دەکرێت.
لە ئەم ساڵدا لەو سنوورە ئەمە سێیەمین رووداوی تەقینەوەی مینە رووبدات کە بەهۆیەوە دوو کەس گیانیان لەدەستداوە و کەسێکیش بریندار بووە.
هەر سێ رووداوەکە لەکاتی چوونی هاونیشتمانییان بووە بۆ هێنانی گیای بەهاری.
دەزگای گشتیی کاروباری مینی هەولێر داوا دەکات، هاونیشتمانییان لەکاتی چوونیان بۆ گیا بەهارییەکان ئاگاداری خۆیان بن و بەشێک لە بەرزایی و شاخەکانی سنووری سۆران تائێستاش مینی سەردەمی شەڕی هەشت ساڵەی عێراق - ئێرانی لێ ماون و هەڵنەگیراونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ