رووداو - تەندروستی
پزیشکێکی بنیاتنانەوە و جوانکاریی ددان هۆشداری دەدات لەبارەی جۆری ئەو فڵچانەی بۆ شووشتنی ددان بەکاردەهێندرێن و دەڵێت: زۆرجار بەهۆی بەکارهێنانی فڵچەی رەق و بێکواڵیتی، نەخۆش ددانەکانی داخوراون.
دکتۆر راستی عومەر، پزیشکی بنیاتنانەوە و جوانکاریی ددان میوانەی پۆدکاستەکەیە و دەڵێت، باشترە فڵچەی ددان شووشتن لەلایەن پزیشکەوە دەستنیشانبکرێت یاخود بە شێوەی بازنەیی ددانەکان بشۆردرێن.
ئەو پسپۆڕە باسی تێکەڵکردنی لیمۆ و سۆدە دەکات بۆ سپیکردنەوەی ددانەکان و دەڵێت: پاکی دەکاتەوە، بەڵام درێژخایەن دەبێتەهۆی هەڵوەشانەوەی مینای ددان و داخورانی ددانەکان، چونکە رێژەیەکی زۆر ترشێتیان بەردەکەوێت.
لەبارەی خواردنەوە گازییەکانەوە گوتی، هەم خواردنەوەی هەمیشە هەندێکجار بە ددانەکان سەرەکەیان دەشکێندرێت کێشەی بۆ هاونیشتمانییان دروستکردووە و پێویستە بە دوور بین لێیان.
هۆشداریشی دا کە ئاولەدەموەردان و جوینی بنێشت، جێی شووشتنی ددانەکان ناگرنەوە، چونکە ددانەکان جگە لە بەکارهێنانی فڵچە، دەبێت بە پەتیش پاکبرێنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ