رووداو - تەندروستی
ماهێش غانیکار، راهێنەرەی کارینا کاپوور، ئەکتەری بەنێوبانگی بۆلیوود دەڵێت: ئێستا وەرزشەکانی کارینا چڕ بوونەتەوە و زیاتر بایەخ بە بەهێزکردنی ماسوولکەکانی دەدات.
ڤارنیت یادڤ، پسپۆڕی خۆراک و راهێنەری وەرزشی لە هیندستان ئاشکرای دەکات، ئەو وەرزشانەی کارینا لە تۆڕەکۆمەڵایەتییەکانی بڵاویدەکاتەوە زیاتر بۆ پاراستنی هاوسەنگیی جەستە و بەهێزبوونی ماسوولکەکانی ران و پشتن.
ئەو خانمە ئەکتەرە هیندییە لە تۆڕە کۆمەڵایەتییەکانی جەختی لە پاراستنی تەندروستیی کردووەتەوە و ئێستا جگە لە ناسراویی لای خەڵک وەکو ئەکتەر، بە کەسایەتییەکی لەشجوانیش ناوبانگی دەرکردووە.
بەگوێرەی سەرچاوەکانی نزیک لەو خانمە، کارینا رۆژانە دوو کاژێر وەرزشەکانی 'یۆگا، کاردیۆ و خۆخاوکردنەوە' دەکات، هەروەها 7 بۆ 8 کاژێر دەخەوێت، لەبارەی خۆراکیشەوە سووکەژەم دەخوات و سەوزە و میوەکان بەشێکی گرنگی خۆراکەکانیەتی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ