رووداو - تەندروستی
توێژینەوەیەک لە ئەمریکا ئاشکرای دەکات، ئەوانەی خواردنەوە گازی و شەربەتە دەستکردەکان دەخۆنەوە، ئەگەری تووشبوونیان بەو نەخۆشییانە زیاددەبێت کە لە مردن نزیکیان دەکاتەوە.
توێژینەوەکە لە زانکۆی تافتس کرا و دەرکەوت، خواردنەوە گازی و شەربەتە دەستکردەکان سەرچاوەی جۆرە شەکرێکن کە خێرا دەچێتە خوێنەوە و رێژەی شەکری خوێن بەرزدەکاتەوە، پاشانیش بڕێکی زۆر لە کالۆرییان تێدایە کە هیچ بەهایەکی خۆراکییان لەگەڵدا نییە و هۆکارن بۆ قەڵەوی.
د. داریوش موزەفەریان، سەرپەرشتیاری توێژینەوەکە و بەڕێوەبەری پەیمانگەی خۆراک لە زانکۆی تافتس دەڵێت: ئەمە قەیرانێکی تەندروستیی گشتییە و پێویستی بە رێوشوێنی بەپەلە هەیە.
د. داریوش موزەفەریان دەشڵێت: ئەو تووشبووانەی شەکرە کە حەزی زۆریان لە شەکر هەیە، باشترە شیرینکەرە دەستکردەکان بەکاربهێنن، باشتر لەوەش ئەوەیە کە چا و قاوەی تاڵ بخۆنەوە و رۆژانە ئاوی زۆریش بخۆنەوە.
لە توێژینەوەکانی رابردوودا هەیە کە ساڵانە 330 هەزار کەس بەهۆی خواردنەوە گازییەکان و شەربەتە دەستکردەکانەوە بە نەخۆشیی شەکرە، جەڵتە و بەرزەپەستانی خوێن گیانلەدەستدەدەن.
لە بەرنامەیەکی دکتۆر ئاراس دا باسی خواردنەوە شەکردارەکان کراوە؛ ئەو لیمۆندۆزییەی لە کوردستان دەکرێتە نێو شەربەتی دەستکرد، چی لە گەدە و ریخۆڵەکان دەکات؟
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ