رووداو دیجیتاڵ
شارەوانیی شیشلی لە ئیستەنبووڵ کە لەلایەن پارتی گەلی کۆماری (جەهەپە)ەوە بەڕێوەدەبرێت، کۆنسێرتی دیلژەن رۆنی، هونەرمەندی کوردی هەڵوەشاندەوە.
دوای ئەوەی رۆژی هەینی کۆنسێرتی خانمە گۆرانیبێژی کورد رۆژدا بێ نیشاندانی هیچ هۆکارێک لەلایەن شارەوانیی کوچوک چەکمەجەی ئیستەنبووڵەوە هەڵوەشێندرایەوە،کۆنسێرتێکی گۆرانیبیژی کورد دیلژەن رۆنی کە بڕیار بوو رۆژی 6-12-2024 لە ناوچەی شیشلی بەڕێوەبچێت، بڕیاری هەڵوەشاندنەوەی درا.
ئەگەرچی شارەوانیی شیشلی هۆکاری هەڵوەشاندنەوەی کۆنسێرتەکەی دیلژەن رۆنی بۆ ئەوە گەڕاندەوە کە دەیانەوێت هۆڵی کۆنسێرتەکە نۆژەن بکەنەوە، بەڵام ئەوە بەشێک لە کوردی ئیستەنبووڵی نیگەران کردووە.
VİDEO- Kürt sanatçı Rojda'nın konserine büyük ilgi
— Rudaw Türkçe (@RudawTurkce) October 6, 2024
İstanbul'da #Esenyurt Belediyesi'nin düzenlediği #Rojda konserine ilgi oldukça yoğun oldu pic.twitter.com/7vtP0IhMze
دیلژەن رۆنی لە تۆڕی کۆمەڵایەتیی ئێکس بە زمانەکانی کوردی و تورکی بڵاویکردەوە، "ئەو کۆنسێرتەی بڕیار بوو رۆژی 6ی کانوونی یەکەمی 2024 لە شاری رۆشنبیریی جەمیل جانداش لە شارەوانیی شیشلی سازی بدەین، بە هۆکاری نۆژەنکردنەوە هەڵوەشێندرایەوە."
لە دوو رۆژدا ئەوە دووەمین کۆنسێرتی هونەرمەندی کوردە کە لەلایەن شارەوانییەکانی ئیستەنبووڵەوە هەڵبوەشێندرێتەوە.
هەڵوەشاندنەوەی کۆنسێرتەکان کاردانەوەی بەشێک لە کوردی لە تورکیا و باکووری کوردستانی لێکەوتووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ