وەزارەتی دارایی: پێنجشەممە دەست بە دابەشکردنی مووچەی مانگی ئادار دەکرێت

 

 

ئەمڕۆ سێشەممە، 04-04-2023، وەزارەتی دارایی و ئابووریی هەرێمی کوردستان رایگەیاند، رۆژی پێنجشەممە، 06-04-2023، دەست بە دابەشکردنی مووچەی مانگی ئادار دەکرێت. بەگوێرەی زانیارییەکانی رووداو، سبەی لیستی مووچە رادەگەیێندرێت.

 

بەگوێرەی زانیارییەکانی رووداو، خشتەکە بە جۆرێک دەبێت، کە پێش جەژنی رەمەزان دابەشکردنی مووچە کۆتایی دێت. 

 

مانگی رابردوو رۆژی 6ـی شوباتی 2023، دەست بە دابەشکردنی مووچەی مانگی کانوونی دووەمی 2023 کرا.

 

لە هەرێمی کوردستان یەک ملیۆن و 251 هەزار و 451 مووچەخۆر هەن، 751 هەزار و 805 کەسیان فەرمانبەری سەربازی و شارستانین؛ 242 هەزار و 269 کەسیشیان خانەنشینن.