جگە لە ئەمریکا، وڵاتانی دیکەی بەخشەری سووریا کە لەڕێگەی سندووقی متمانەی ئاوەدانکردنەوەی سووریاوە هاوکاریی سووریا دەکەن، بریتین لە ئەڵمانیا، ئیمارات، دانیمارک، سوێد، فینلاند، ژاپۆن، بەریتانیا، کوێت، فەرەنسا، ئیتاڵیا، تورکیا، هۆڵەندا و ئوردن
گیانلەدەستدانی ژینا ئەمینی (مەهسا ئەمینی)، کچە کوردەکەی رۆژهەڵاتی کوردستان دوای ئەوەی دەستبەسەرکرا و لە گرتووخانەیەکی شاری تاران چووە کۆماوە، کاردانەوەی نێوخۆیی و نێودەوڵەتی لێکەوتەوە. ئەمریکا دەڵێت، گیانلەدەستدانی ئەمینی "مایەی قبووڵکردن نییە".
لە هێرشێکی سوپای ئیسرائیلدا بۆ سەر خاڵێکی نزیک لە فڕۆکەخانەی دیمەشق پێنج سەربازی سوپای سووریا کوژران. سەرچاوە خۆجێیەکان باس لەوە دەکەن کە دوو چەکداری گرووپە چەکدارەکانی نزیک لە ئێرانیش کوژراون.
لە شەڕ و پێکدادانەکانی دوو رۆژی رابردووی نێوان سەربازانی قیرغیزستان و تاجیکستان لانیکەم 3 کەس کوژراون و 34 کەسی دیکەش لە هەردوولا برینداربوون. قیرغیزستانیش دەڵێت، گەیشتوونەتە ئاگربەست.
ئەرمینیا رایدەگەیێنێت، ژمارەی کوژراوانیان لە پێکدادانەکانی ئەمدواییەی لەگەڵ ئازەربایجاندا بەرزبووەتەوە و لانیکەم 135 سەربازیان کوژراون. ئازەربایجانیش دەڵێت، 71 سەربازیان لەو پێکدادانانەدا کوژراون.
لە نێوەڕاستی شاری لەندەنی پایتەختی بەریتانیا کەسێک بە چەقۆ دوو پۆلیس بریندار دەکات؛ هەردوو پۆلیسەکە رەوانەی نەخۆشخانە کراون و چەقۆوەشێنەکەش دەستبەسەرکراوە.
لەبارەی کۆبوونەوەی ئەردۆغان و شی جینپینگ، میدیای فەرمیی چین رایگەیاند کە شی جینپینگ جەختی لە "متمانەی هاوبەش و رێزگرتن لە بەرژەوەندیی یەکدی و پەیوەندیی هاوبەشی ستراتیژیی نێوان هەردوو وڵات" کردووەتەوە. جگە لەوەش، بەگوێرەی میدیای چین، شی باسی لە دەستپێشخەریی بازرگانیی جیهانیی چین بە ناوی 'پشتێن و رێگا' کردووە و جەخی لەوە کردووەتەوە دەبێت هەردوولا "کار لەسەر برەودان بە پیشەسازیی نێودەوڵەتی، ئاسایشی خۆراک و وزە" بکەن.
لە کۆبوونەوە دیارەکانی ئەمڕۆش کە سەرنجێکی زۆری لەسەرە، کۆبوونەوەی نێوان ڤلادیمیر پووتین، سەرۆکی رووسیا و رەجەب تەییب ئەردۆغان، سەرۆککۆماری تورکیایە و چاوەڕوان دەکرێت بەشێکیشی تایبەت بێت بە دۆخی سووریا و رۆژئاوای کوردستان.
توێژینەوەیەکی نوێ دەریدەخات، بەپێ رۆشتن وا دەکات مەترسیی تووشبوون بە شێرپەنجە، نەخۆشییەکانی دڵ و مردنی پێشوەختە کەمببێتەوە؛ بۆ ئەوەش توێژینەوەکە پێشنیازدەکات هەر مرڤێک رۆژانە 10 هەزار هەنگاو بنێت.
