Hewlêr (Rûdaw) - Agirbesta li Sûdanê bo dema 5 rojên din hate dirêjkirin, lê dengê çekan li paytexta welat bajarê Xertûmê berdewam tê bihîstin.
Li gor hin çavkaniyên nava Xertûmê, şer û şevçûn di navbera hêzên Artêşa Sûdanê û Hêzên Bersivdana Bilez li bakûrê wî bajarî heya şeva derbasbûyî berdewam bûn.
Hewiha dengê bordûmanan li başûrê Xertûmê jî dihat bihîstin.
Ji aliyekê din ve Amerîka û Siûdiyê di ragehindinekê de eşkere kirin ku herdû aliyên şer li ser dirêjkirina agibrestê bo dema 5 rojên din razî bûne.
Amerîka û Siûdiyê ragihandine, ew agirbest ji bo derbasbûna alîkariyên mirovî û xwarina pêwîst bo wan Sûdaniyên ku di bin gefa birçbûnê de ne, hatiye dirêjkirin.
Ew du meh in li Sûdanê ji ber nakokiyên li ser desthilatê, şerekî dijwar di navbera Artêşa Sûdanê û Hêzên Bersivdana Bilez de derktiye.
Ji ber şer bi sedan hezar kes li hundirê welat koçber bûne û neçar bûne malên xwe biterikînin. Herwiha di encama şer û pevçûnan de heta niha zêdeyî hezar kesî hatine kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse