Hewlêr (Rûdaw) - Serokkomarê Tirkiyê Recep Tayîp Erdogan û Serokê Rûsyayê Vladimir Putîn peywendiyeke telefonî pêkanîn û têde pêşhatên dawî yên li Sûriyê û şerê di navbera Rûsya û Ukraynayê de gotûbêkirin.
Li gor daxuyaniya ku ji aliyê Serokatiya Ragihandina Serokkomariya Tirkiyê ve hatiye belavkirin, îro Pêncşemê 27ê Nîsana 2023an Serokkomarê Tirkiyê Recep Tayîp Erdogan û Serokê Rûsyayê Vladimir Putîn peywendiyeke telefonî pêk anîne û peywendiyên di navbera Rûsya û Tirkiyê û pêşhatên dawî yên li cîhan û navçeyê gotûbêj kirine.
Serokkomarê Tirkiyê Recep Tayîp Erdogan ji ber piştevanî û sûda Rûsyayê ya di avakirina wêstgeha Etomî ya Eneriyê ya Akkuyu ku li Mêrsînê hatiye avakirin spasiya Viladimir Putîn kir ku bi hevkariya Rûsya û beşek ji kompanyayên wê hatiye avakirin. Biryar e îro yekem sotemenî bigihêje wêstgehê û beşeke wê bi merasîmeke bi beşdariya online ya Erdogan dest bi berhemanîna enerjiyê bike.
Li gor daxuyaniya Serokayetiya Ragihandina Serokkomariya Tirkiyê Erdogan û Putîn pêşhatên dawî yên şerê di navbera Rûsya û Ukraynayê de, korîdora dexlûdan û pêşhatên li Sûriyê jî di wê peywendiya telefonî de gotûbêj kirine.
Her wiha Serokê Rûsyayê ji ber têkçûna rewşa wî tendirustî hêviya silametiyê bo Serokkomarê Tirkiyê xwestiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse