Êrişkarê Navenda Çanda Kurd a Ahmet Kaya: Ez kesekî nijadperest im

Hewlêr (Rûdaw) - Êrîşkarê Navenda Çanda Kurd a Ahmet Kaya li Parîsê gotiye  ku ew kesekî nijadperest.

AFPê li ser zarê çavkaniyeke ji lêkolînê agahdar ragihand ku êrîşkar Fransîyekî spî ye.

Li gorî nûçeya France Info, êrişkarê Navenda Çanda Kurd a Ahmet Kaya ji polîsê ku ew desteser kiriye re gotiye ku ew kesekî nijadperest e û li xwe mikur hatiye ku wî bi zanebûn Kurd kirine armanc.

Bavê êrîşkar William M. ê 90 salî jî diyar kir ku kurê wî roja bûyerê dema ji malê derketiye tiştek negotiye û kurê xwe wekî kesekî "dîn" bi nav kir.

Duh roja Înê 23yê Kanûna 2022yan li dijî Navenda Çanda Kurd a Ahmet Kaya êrişek hat encamdan û 3 Kurdan canê xwe ji dest dabûn. Li gorî medyaya Fransayê, navê êrîşkar William M. ye 69 salî ye û wî berê şofêrtiya trênê li Parîsê dikir û niha xanenişîn bûye.

Êrîşkar bi êrîşî êriş kiribû û di encamê de Hunermend Mîr Perwer ê ji Gimgim a Mûşê, Emîne Kara ya ji Qileban a Şirnexê û Ebdulrehman Kizil ê ku nayê zanîn ji kîjan bajarê Kurdistanê ye canê xwe ji dest dabûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger