Hewlêr (Rûdaw) – Wezareta Parastinê ya Azerbeycanê ragihand ku wan li herêma Qerebaxê dest bi “operasyonê” kiriye.
Li gorî Wezareta Parastinê ya Azerbeycanê, sedema operasyonê ew e ku “Li Qerebaxê ji nû ve sîstema destûrî ava bikin û bi terorê re têbikoşin.”
Di daxuyaniya Wezaretê de hat diyarkirin ku sedema operasyonê bêçekkirina hêzên Ermenistanê û dûrxistina wan e.
Wezaretê di heman demê de anî ziman ku wan Rûsya û Tirkiye ji operasyonê haydar kirine.
Li gorî Reutersê Wezareta Parastinê ya Azerbeycanê li ser operasyona xwe daxuyaniyek daye û gotiye:
“Di çarçoveya operesyonan de çeperên şer, xalên gulebaranê, wesayitên leşkerî û tesîsên leşkerî bi baldariyeke mezin hatine bêbandorkirin.”
“Operesyon ji bo tesîskirina destûra bingehîn pêk hat”
Di daxuyaniyê de hat eşkerekirin ku di operesyonê de bi tu awayî zerer negihiştiye sivîlan û armanca wan hêzên leşkerî yên neyasayî ne.
Azerbeycanê di daxuyaniya xwe de ragihand:
“Di encama teqîna 3 mayînên ku ‘hêzên leşkerî yên Ermenistanê’ bi cih kirine de 6 welatiyên me jiyana xwe ji dest da.
Di nava 6 kesên de, çar xebatkarên Wezareta Parastinê hene.”
Qerebaxa ku di qada navneteweyî de wekî beşeke Azerbeycanê tê naskirin û şêniyên wê bi giranî Ermenî ne, piştî şer, di salên 1990î de ji kontrola Bakûyê derket.
Azerbeycanê di şerê 2020an de beşeke vê herêmê careke din wergirtibû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse