Li Swîsreyê li ser rewşa jinan a li Îran û Rojhilatê Kurdistanê konferansek hat lidarxistin
Hewlêr (Rûdaw) - Roja înê li baregeha Neteweyên Yekbûyî ya Cenevreya Swîsreyê konferansek li ser rewşa jinan a li Îran û Rojhilatê Kurdistanê hat lidarxistin.
Li ser hûrgiliyên konferansê, siyasetmedarê navdarê Kurd ê li Swîsreyê û yek ji organîzatorên konferansê Teymûr Elyasî mêvanê bernameya Rûdawê Diasporayê bû.
Teymûr Elyasî diyar kir ku konferans taybet bi rewşa jinan a li Îran û Rojhilatê Kurdistanê ye.
Siyasetmedar Kurd Teymûr Elyasî got:
“Di konferansa ku ji aliyê Komîteya Mafên Mirovan a Neteweyên Yekbûyî ve hatibû organîzekirin de, ji bajarên cuda yên Îran û Rojhilatê Kurdistanê çendîn çalakvan beşdar bûn.
Herwiha ji 20 welatên Amerîka û Ewropayê çalakvan beşdar bûn.”
Komîteya Şopandina Rastiyên Xwepêşandanên Îran û Rojhilatê Kurdistanê jî beşdarî konferansê bû.
“Divê tawanbar bên cezakirin”
Yek ji organîzatorên konferansê Teymûr Elîasî li ser wê got:
“Komîteyê diyar kir ku li dijî xwepêşanderan tawanên li dijî mirovahiyê hatine kirin û xwest ku ew tawanbar bên cezakirin.”
Teymûr Elyasî ragihand ku konferans ji bo salvegera kuştina Jîna Emîniyê hate lidarxistin.
Konferansên li ser Mafên Mirovan û Rewşa Jinan salê 3 caran ji aliyê Komîteya Mafên Mirovan a Neteweyên Yekbûyî ve têne organîzekirin û her carê li ser herêmekê an jî welatekî tê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse