Hewlêr (Rûdaw)- Serokê Herêma Kurdistanê Nêçîrvan Barzanî û Wezîrê Karên Derve yê Tirkiyeyê Hakan Fîdan li Munîhê civiyan.
Di civînê de pêşhatên dawî yên herêmê û Rojhilata Navîn hatin gotûbêjkirin.
Nêçîrvan Barzanî ji ser hesabê xwe yê Xê li ser hevdîtina bi Hakan Fîdan re wiha got:
"Bi kêfxweşî min hevalê xwe Hakan Fîdan dît û me pêşketinên dawî yên herêmê guftûgo kirin.
Me dîtinên xwe yên li ser xurtkirina pêwendiyên Îraq û Herêma Kurdistanê bi Tirkiyeyê re parve kirin û me tekezî li rêbazên xurtkirina aramiya herêmê kir."
Li aliyê din, Serokatiya Herêma Kurdistanê ragihand ku di civînê de pêwendiyên Îraq û Herêma Kurdistanê yên bi Tirkiyeyê re hatin nirxandin.
Her wiha xurtkirina hevkariyên di warên siyasî, aborî û ewlehiyê de û pêşhatên ewlehî û siyasî yên Îraq, Sûriye û herêmê hatin gotûbêjkirin.
Li gorî daxuyaniyê Nêçîrvan Barzanî tekezî bi pêşxistina pêwendiyên dostane yên Herêma Kurdistanê û Tirkiyeyê yên li ser bingeha berjewendiyên hevbeş kir.
Serokê Herêma Kurdisanê behsa girîngiya hevkariya di hemû waran a bi Tirkiyeyê re kir, bi taybetî di warê ewlehî û aramiya herêmê de anî zimên.
Serokatiya Herêma Kurdistanê ragihand, “Hakan Fîdan daxwaza Tirkiyeyê ya ji bo xurtkirina pêwendiyên bi Îraq û Herêma Kurdistanê re nîşan da û ji bo rûbirûbûna astengiyên ewlehiyê û tekezî li ser girîngiya hevahengiya hevbeş a ji bo pêkanîna aramî û pêşketinê li herêmê kir."
Konferansa Ewlehiyê ya Munîhê
Konferansa Ewlehiyê ya Munîhê (MSC) îsal cara 61ê di navbera 14-16ê Sibatê de tê lidarxistin.
Di rojeva konferansê de “plana aştiyê ya Donald Trump a ji bo Ukraynayê” û “rewşa Rojhilata Navîn” dê cih bigirin.
Konferansa Ewlehiyê ya Munîhê (MSC) dê di warê ewlehî û siyaseta derve de bibe mezûvana nîqaşên girîng ên cîhanî.
MSC yek ji konferansên herî girîng ên ewlehiyê yên cîhanê ye û cara ewil sala 1963yan hatibû lidarxistin.
Her sal bi sedan rêberên girîng ên cîhanê beşdarî vê konferansê dibin û pirsgirêk û gef û metirsiyên ewlehiyê yên cîhanî dinirxînin.
Konferans di nêzîkirina perspektîvên cuda û zêdekirina baweriya di navbera welatan de roleke girîng dilîze.
Serokê Herêma Kurdistanê Nêçîrvan Barzanî, di çarçoveya Konferansa Ewlehiyê ya Munîhê bi Wezîrê Karên Derve yê Tirkiyeyê Hakan Fîdan re civiya#MSC2025 pic.twitter.com/onHSrLVrrG
— RudawKurdi (@RudawKurdi) February 15, 2025
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse