Cîhan
Balafirên Antonov An-26, mîna ya ku roja Sêşemê winda bû, par li derveyî Petropavlovsk-Kamchatsky li Rûsyayê hatibûn parkirin. Marina Lystseva/Associated Press
Hewlêr (Rûdaw) - Tîmên lêgerînê yên Rûsî perçeyên Firokeya N-26 a ku 28 rêwing têde bûn, dîtin ku li nîvgirava Kamchatka li rojhilatê Rûsyayê winda bûbû.
Ajansa Firokevaniya Rûsyayê ragihand, tîmên hawarçûnê perçeyên firokeyê li ser perava okyanûsa Aram dîtine, ji ber cografiya wê navçeyê, proseya lêgerînê zehmet bi rêve diçe.
Firokeya Rûsî ya ji corê N-26, îro ji bajarê Petropavlovsk-Kamchatsky ber bi Palana birêketibû, û piştre peywendî li gel wê qut bibû.
Li gor berpirsên Rûsî, peywendiya bi firokeyê li navçeyeke 9 kîlometran dûrî firokxaneya Palana û berî deh xulekan ji veniştina wê qut bû.
Perçeyên firokeyê li navçeyekê hatine dîtin ku 4 -5 kîlometran dûr ji firokxaneyê ûli ser peravê ne.
Hikûmeta Rûsyayê ji bo dîtina firokeyê du helîkopteran û firokeyeke taybet dest bi lêgerînê kiribû.
Hêj sedema ketina vê firokeyê bi fermî nehatiye ragihandin, lê rayedarên Rûsî dibêjin, lêkolîn derbarê sedema bûyerê de berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse