Hewlêr (Rûdaw) - Werzişvana Kurd a ji Dêrsima Bakurê Kurdistanê Erîvan Barût di Kûpaya Cîhanê ya Kick Boksê de ku li Macaristanê hat lidarxistin bû şampiyon.
Parêzgariya Dêrsimê li ser şampiyoniya cîhanê ya Erîvan Barût daxuyaniyek belav kir.
Parêzgariya Dêrsimê di daxuyaniya ku tê de wêneyên Êrîvanê Barût jî hene wiha dibêje “Şampiyona Cîhanê Erîvan Barût. Em Êrîvanê Barût a ku di Kûpaya Cîhanê ya Kick Boksê ya ku li Macaristanê hat lidarxistin de madalyaya zêrîn û kûpaya bi dest xist, ji dil pîroz dikin û jê re berdewamiya serkeftinan dixwazin.”
Dünya Şampiyonu Erivan Barut🧿 🏆
— T.C.Tunceli Valiliği (@TunceliValiligi) June 18, 2023
Macaristan'da yapılan Kick Boks Dünya Kupası'nda, şampiyon olarak altın madalya ve kupanın sahibi olan Erivan Barut’u gönülden tebrik eder, başarılarının devamını dileriz.🇹🇷🇹🇷🇹🇷 pic.twitter.com/Dy0FcmJLYt
Erîvan Barût kî ye?
Erîvan Barût a 22 salî li Gundê Korkesê yê Dêrsima Bakurê ji dayik bûye û di sala 2016an de dest bi werzişê kiriye. Barût piştre beşdarî turnuvayan bû û di şaxên boks, kick boks û muaythayê de xelatan wergir.
Barût di tûrnûvayên muaythai û kick boksê de şampiyoniya Ewropa û Tirkiyeyê bi dest xist.
Erîvan Barût li Zanîngeha Bînalî Yildirim a Erzinganê mamostehiya werzişê dixweyîne.
Erîvan Barût di Şampiyonaya Boksê ya Mezinên Ewropayê ya ku di sala 2022an da li Xirvatistanê hat lidarxistin da madalyaya zêrîn qezenc kiribû.
Bi Zazakiya xwe bûbû rojev
Erîvan Barût ji ber ku di bernameyeke werzişê ya TRT Kurdiyê de dema ku hewl dabû bi zaraveya Zazakî ya Kurdî biaxive gelek peyvên Tirkî bikar anîbû, li ser medyaya civakî bûbû rojev. Piştre soz dabû ku dê zimanê xwe yê zikmakî Zazakî hîn bibe.
Barût wiha gotibû “Ez difikirim rewşa ku em xistinê trajediya xelkekî ye. Û ji niha şûn ve di nav karê min de dê hînbûna zimanê min jî hebe. Ez tenê yek ji nifşên dawîn ên bajarekî çiyayî me. Yên wek min heta ji min xirabtir hejmara ciwanên ku ji zimanê me re bûne biyanî hewqas pir in ku ez nikarim rave bikim.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse