Polîsan rê nedan daxuyaniya Dayikên Şemiyê û zêdeyî 12 kesan desteser kirin

Hewlêr (Rûdaw) - Li parêzgeha Stenbolê ya Tirkiyê Dayikên Şemiyê bi helkefta 30ê Tebaxê “Roja Kesên Bi Zorê Hatine Wendakirin a Navdewletî” xwestin li ber Goristana Bêkesan a Altinşehirê daxuyaniyekê bidin, lê polîsan rê nedan wan û zêdeyî 12 kes ji wan desteser kirin.

Dayikên Şemiyê li ser hesabê xwe yê Twitterê ragihand ku polîsan rê nedaye daxuyaniya wan û 4 parazvanên mafên mirov jî di nav de bi giştî zêdeyî 12 kes hatine desteserkirin.

Di nav kesên hatine desteserkirin dayikên şemiyê Maside Ocak, Besna Tosun, Hanim Tosun, Hanife Yildiz û Gulseren Yoleri jî hene.

Li gor peyama Dayikên Şemiyê navê kesên hatine desteserkirin ev in: Maside Ocak, Besna Tosun, Hanim Tosun, Hanife Yildiz ,Gulseren Yoleri, Huseyin Ocak, Ali Ocak, Hasan Karakoç, Huseyin Aygul, Ferit Barut û 4 parazvanên mafên mirov.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger