Hewlêr (Rûdaw) - Serokê Şaredariya Bajarê Mezin a Stenbolê Ekrem Îmamoglu roja 29ê Gulanê 2023ê bi belavkirina peyamekê ji alîgirên Hevpeymaniya Millet daxwaz kir bê hêvî nebin û dibêje guhertin maye ser milê wan.
Piştî binketina wan ya li beramberî berbijêrê Hevpeymaniya Cumhur, Îmamoglu dîmenek belav kir û zêdetir behsa gavên pêşiya me yên Partiya Gel a Komarê kir. Ji ciwanan, jinan û pîran daxwaz kir bê hêvî nebin.
Serokşaredarê Stenbolê behsa serkeftina xwe ya di hilbijartina şaredariyan ya 2019ê li dijî AKP û MHPê bidestxistî de kir û got: “Helbet hêvîdarim ev encam bibe çavkaniya xêrê û xweşiyê bo welatê me. Tirkiye bilez pêwîstiya xwe bi asayîkirinê û çareserkirina pirsgirêkan heye. Dizanim îro bidehan milyon kes bê hêvî bûn. Berî pênc salan bê hêvîbûneke weke vê me dît. Lê piştî 9 mehan di hilbijartinên şaredariyê de me encamek bê hempa bidest xist.
Îmamoglu her wiha balkişand ser wê yekê ku rêyek dûvdirêj li pêşiya wan e û hêza wan ya tomarkirina serkeftinan heye.
Li gorî amarên dawiyê %100 degn hatine cudakirin, Recep Tayyip Erdogan %52.18ê dengan bidestxistiye û Kemal Kiliçdaroglu %47.82ê dengan bidestxistiye. Bi wî awayî Erdogan bo dema 5 salên din Serokkomarê Tirkiye dimîne.
Îmamoglu roja 23ê Hezîrana 2019, bi bidestxistina 806 hezar û 426 dengan li beramberî Binalî Yildirim berbijêrê AKP bû Serokê Şaredariya Bajarê Mezina Stenbolê.
Kimse endişe etmesin, her şey yeniden başlıyor. Unutmayın; "Değişmeyen tek şey değişimdir." https://t.co/r0fMFhcsuM
— Ekrem İmamoğlu (@ekrem_imamoglu) May 29, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse