Hewlêr (Rûdaw) - Li gorî rapirsiya Kompanya AREAyê, sedema mezin a daketina dengên AK Partiyê pirsgirêkên aborî ne.
AREAyê encamên rapirsiya xwe belav kirin ku piştî hilbijartinên 31ê Adarê li 26 bajaran bi 3 hezar û 62 kesan re hatibû kirin.
Li gorî rapirsiyê, dengên CHPyê zêde dibin û û AK Partî niha jî partiya duyem e.
Di rapirsiyê de ji beşdaran pirsa “Eger îro hilbijartinên parlamenteriyê bên kirin hûn dê deng bidin kîjan partiyê?” hat kirin.
DEM Partî sêyem e
Li gorî encaman, CHP bi rêjeya ji sedî 34,4an partiya yekem e, AK Partî bi rêjeya ji sedî 32,5an partiya duyem e û DEM Partî jî bi rêjeya ji sedî 9,9an partiya sêyem e.
Li gor rapirsiyê rêjeya dengên partiyan wiha ye:
CHP: Ji sedî 34,4
AK Partî: Ji sedî 32,5
DEM Partî: Ji sedî 9,9
MHP: Ji sedî 9,1
Yenîden Refah: Ji sedî 5,6
Sedema weindakirina AK Partiyê pirsgirêkên aborî ne
Herwiha li gorî rapirsiyê sedema herî mezin a daketina dengên AK Partiyê pirsgirêkên aborî ne.
Ji sedî 61,1ê beşdaran gotiye sedema windakirina AK Partiyê pirsgirêkên aborî ne.
Li gorî ji sedî 8,6ê beşdaran “pirsgirêka koçberan” û li gorî ji sedî 8,5ê beşdaran jî “namzedên AK Partiyê” bûne sedema bibinketina AK Partiyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse