Li gor rapirsiya herî dawî MHP û ÎYÎ Partî bendê derbas nakin

Hewlêr (Rûdaw) - Kompanyaya Lêkolînan a Metropolê encamên rapirsiya xwe ya meha Kanûnê eşkere kirin. Li gor ‎rapirsiya Metropolê, tenê HDP, CHP û AK Partî benda ji 10 a hilbijartinê derbas dikin û MHP û ÎYÎ Partî di ‎jêr bendê de dimînin.‎

Kompanyaya Metropolê encamên rapirsiya xwe ya ku ji beşdaran pirsiye; “Eger vê Yekşemê hilbijartin ‎were kirin hun dê dengê xwe bidin çi partiyekê? eşkere kirin. Li gor rapirsiya ku di Kanûna 2019an de ‎hatiye kirin, tenê AK Partî, CHP û HDP benda ji sedî 10 a hilbijartinê derbas dikin.‎

Li ser pirsa vê Yekşemê hilbijartin çêbibe hun dê dengê xwe bidin kê, ji sedî 41 AK Partî û ji sedî 24.8 jî ‎dibêjin dengê xwe didin CHPê. Herwiha ji sedî 11 HDP û ji sedî 9.8 jî dibêjin MHP. Di rêza pêncem de bi ‎rêjeya ji sedî 8.3 Îyî Partî cih digire.‎

Li gor rapirsiyê, tenê AKP, CHP û HDP benda ji sedî 10 a hilbijartinê derbas dikin daku bikaribin biçin ‎parlamentoyê. Hemû partiyên din nikarin bendê derbas bikin. Li gor rapirsiyê, ji sedî 5.4 a beşdaran ‎bêbiryar in û ji sedî 7.8an jî ti bersiv nedane.‎

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger