Hewlêr (Rûdaw) - Li parêzgeha Edirneyê ya Tirkiyeyê, 322 koçberên ku dixwest biçin Ewropayê hatin desteserkirin.
Li gorî zanyariyan hêzên ewlehiyê yên Edirneyê, di çarçoveya xebatên rêgirîkirina qaçaxçîtiya koçberan de li navenda bajêr û navçeyan bi beşdariya tîmên taybet operasyon hatiye kirin.
Di operasyonê de di du otomobîlan de 12 koçberên Sûriyeyî û şofêrê her du otomobîlan bi hinceta qaçaxçîtiya koçberan hatin desteserkirin.
Herwiha li şofêrê otomobîlan 4 hezar û 500 lîre ceza hat birîn.
Li aliyê din di operasyonê de li navenda bajêr û navçeyan jî 310 koçberên ji welatên cuda hatin desteserkirin.
Koçberên ku dixwest biçin Ewropayê piştî karên fermî radestî Rêveberiya Îdareya Koçê ya Edirneyê hatin kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse