Hewlêr (Rûdaw) - DEM Partî dê di çarçoveya hevdîtinên pêvajoya çareseriyê de 10ê Adarê CHPyê ziyaret bike.
DEM Partî îro bi beşdarbûna her du hevserokan Tuncer Bakirhan û Tulay Hatîmogullari û parlamenter û hevserokên şaredariyên li Enqereyê civiya.
Mijara sereke ya civînê “Banga Aştî û Civaka Demokratîk” a Rêberê PKKyê Abdullah Ocalan bû.
DEM Partiyê di civînê de biryar da ku dê biçe serdana partiyên siyasî û di vê çarçoveyê de dê civîna yekem bi CHPyê re be.
Li gorî agahiyan, DEM Partî dê 10ê Adara 2025an bi Serokê CHPyê Ozgur Ozel re bicive.
Dema hevdîtinên DEM Partiyê yên bi partiyên din re nehatiye eşkerekirin.
DEM Partî dê partiyên siyasî ziyaret bike û derbarê pêvajoya çareseriyê de zanyariyan bide wan û piştgiriyê bixwaze.
Eger heye di demên pêş de li Parlamentoya Tirkiyê ji bo pêvajoya çareseriyê komîsyonek bê avakirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse