Hewlêr (Rûdaw) - Li Qada Taksimê ya navçeya Beyogluyê ya ser bi parêzgeha Stenbolê karkerên ku xwestin bi helkefta 1ê Gulanê Roja Karkeran û Kedkaran a Cîhanî bikevin qadê rastî midexaleya polîsan hatin û hejmarek ji wan hatin desteserkirin.
Sendîkaya Karkerên Înşaatê li ser hesabê xwe yê Twitterê dîmen û peyamek belav kiriye û dibêje, “Taksim qada 1ê Gulanê ye. Em qedexeyên we nas nakin.”
Li gor dîmenên ku li ser medya civakî hatine belavkirin îro Duşemê 1ê Gulanê hejmarek karkerên endamên Sendîkaya Karkerên Înşaatê û yên Sendîkaya Enerji-Senê dixwazin biçin Qada Taksimê lê polîs midexaleya wan dike û asteng dike. Herwiha li gor zanyariyan hejmarek zêde karker hatine desteserkirin.
Salên dirêjin rê nayê dayîn ku pîrozbahiya 1ê Gulanê li Qada Taksimê bê kirin û her sal sendîkayên karkeran jî serlêdanê dikin da ku bikaribin bikevin qadê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse