Hewlêr (Rûdaw) - Girên Colanê yên Îsraîlê, ji başûrê Sûriyeyê hatin topbarankirin û Îsraîlê jî bersiv da.
Piştî şerê Îsraîl û Hemasê, êrişên ji Sûriye û Libnanê yên li dijî Îsraîlê jî zêde bûne.
Şeva borî, 2 roket ji başûrê Sûriyeyê hatin avêtin û li Girên Colanê yên di bin destê Îsraîlê de ketin.
Li gorî çavkaniyên xwecihî, ew her du roket ji parêzgeha Quneyterayê ya li başûrê Sûriyeyê hatine avêtin û li Girên Colanê ketine.
Heman çavkaniyan da zanîn ku hêzên Îsraîlê bersiv daye û wan cihekî li nêzîkî bajarokê Xan Ernebe yê di navbera Şam û Qyneyterayê de kiriye armanc.
Heta niha tu aliyekî berpirsiyariya wê êrişa ku ji xaka Sûriyê hatiye kirin negirtiye ser xwe.
Herwiha derbarê zerer û ziyanan de jî ti daxuyanî nehatine belavkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse