Hewlêr (Rûdaw) - Bi bilindbûna pileya germahiyê û guherîna avhewayê li Iraqê û kêmbûna asta ava çemên Dîcle û Feratê yên di van salên dawî de pirsgirêkeke civakî derxist holê.
Îraq dixwaze bi serdana Serokkomarê Tirkiyeyê Recep Tayyîp Erdogan ji krîza avê û hişkesaliya ku bandor li herêmên çandiniyê kiriye re çareseriyekê bibîne.
Berdevkê Wezareta Çavkaniyên Xwezayî ya Îraqê Xalîd Şemal li ser mijarê got:
“Serokwezîr çend caran ragihand ku pirsgirêka avê karê pêşîne yê hikûmetê ye û heta garantîkirina ava Îraqê tê de nebe mijarên din nayê gotûbêjkirin.”
Îraq çend mijar amade kirine ku bi Tirkiyê re li ser guftûgoyê bike.
Ji wan mijaran a herî girîng jî pirsa avê ye û Hikûmeta Îraqê bi peymanên berê yên di navbera Îraq û Tirkiyeyê de dixwaze pareke adil jê re were dayîn.
Şewirmendê Serokwezîrê Îraqê Fadî Şemerî jî da zanîn:
“Bêguman mijarên siyasî û geşedanên li herêmê û mijara avê dê ji mijarên herî girîng ên hevdîtinan bin.
Bi nêrîna me Îraq û Tirkiye dê li ser wan li hev bikin. Dosyayên din ên hestyar û aloz ên di warê ewlehiyê de hene ku di nav wan de dosyaya sînorî û hin grûp hene.”
Serokkomarê Tirkiyeyê Recep Tayyîp Erdogan berî çend rojan ragihand ku av dê bibe yek ji rojevên herî girîng ên serdana wî ya Îraqê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse