Hewlêr (Rûdaw) - Serokê Herêma Kurdistanê Nêçîrvan Barzanî îro li Tehranê bi Rêberê Olî yê Îranê Elî Xamineyî re civiya.
Serokatiya Herêma Kurdistanê li ser civîna Serokê Herêma Kurdistanê Nêçîrvan Barzanî û Rêberê Olî yê Komara Îslamî ya Îranê Elî Xamineyî daxuyaniyek belav kir.
Li gorî daxuyaniya Serokatiyê, Nêçîrvan Barzanî kêfxweşiya xwe ya dîtina Xamineyî anî ziman û “tekezî li ser amadehî û daxwaza Herêma Kurdistanê ya ji bo bipêşxistina pêwendiyên bi Komara Îslamî ya Îranê re ya di hemû waran de kir.”
Nêçîrvan Barzanî herwiha “spasiya piştevaniya Îranê ya ji bo Îraq û Herêma Kurdistanê jî kir.”
Di hevdîtinê de her du aliyan tekezî li ser giringiya pêwendiyên Îranê yên bi Îraq û Herêma Kurdistanê re kir.
Hat ragihandin ku her du alî li ser berdewamiya aramî û berfirekirina hevkariyên hevbeş ên Komara Îslamî ya Îranê yên Îraq û Herêma Kurdistanê re hemfikir bûn.
Di hevdîtinê de rewşa herêmê bi giştî û çend mijarên ku di berjewendiya hevbeş de ne jî hatin gotûbêjkirin.
Serokê Herêma Kurdistanê Nêçîrvan Barzanî bi Rêberê Olî yê Komara Îslamî ya Îranê Elî Xamineyî re civiya#Kurdistan #Iran pic.twitter.com/6JgRmQ7BsH
— RudawKurdi (@RudawKurdi) May 6, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse