Hewlêr (Rûdaw) - Neteweyên Yekbûyî (NY) ragihand ku “Xezedojeha li ser rûyê dinê" ye û dîmenên ku duh ên Refahêev yek cardin eşkere kir.
Ajansa Alîkarî û Avadaniya ji bo Penaberên Filistînî ya Neteweyên Yekbûyî (UNRWA) ragihand ku artêşa Îsraîlê duh êvarê li bajarê Refahê çadirên Filistîniyên ku ji cî û warên xwe bûne, bombebaran kirin.
UNRWAyê diyar kir ku di êrîşa ser Refahê de gelek kes hatin kuştin û got:
"Xeze dojeha li ser rûyê erdê ye. Dîmenên (Refah) şeva çûyî jî delîleke din a vê yekê ye."
Li gorî daxuyaniyê li Xezeyê cihekî ewle nemaye, tu kes di ewlehiyê de nîne û têkiliya wan bi xebatkarên UNRWAyê yên herêmê re nemaye û wiha hat gotin:
"Em nikarin cihê (xebatkarên UNRWAyê) piştrast bikin, em ji bo wan û ji bo hemû mirovên ku ji cih û warên xwe bûne û xwe spartine herêmê bi fikar in û nizanin ku rewşa wan baş e yan na."
Her çend Dîwana Edaletê ya Navneteweyî biryar da ku artêşa Îsraîlê li Xeta Xezeyê êrîşan bide sekinandin jî artêşa Îsraîlê duh li bajarê Refahê êrişî kiribû û herî kêm 40 Filistînî hatibûn kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse