Hewlêr (Rûdaw) - Wezîrê Parastinê yê Tirkiyeyê Yaşar Guler, “Me Sûriye ji metirsiya DAIŞê xelas kir, divê rejîm spasiya me bike.”
Wezîrê Parastinê yê Tirkiyeyê Yaşar Guler beşdarî bultena NTVyê bû û mijarên di rojevê de nirxandin.
Yaşar Guler da zanîn ku dê têkoşîna wan a bi PKKyê re berdewam bike û got, “Helbet dê rojekê operasyonên me yên li Îraq û Sûriyeyê biqedin.”
“Me Sûriye ji metirsiya DAIŞê xelas kir”
Wezîrê Parastinê yê Tirkiyeyê îdia kir ku wan “Sûriye ji metirsiya DAIŞê xelas kiriye” û pê de çû:
“Me aramî anî Sûriyeyê. Li cihê ku her roj pevçûn hebûn, niha pevçûn nemane. Me Sûriye ji metirsiya DAIŞê xelas kir, divê rejîma Sûriyeyê spasiya me bike.
Me 3 hezar 500 endamên DAIŞê yên herî xeternak kuştin û DAIŞ ji Sûriyeyê vekişiya çû Îraqê. Mirovên ku li Sûriyeyê dijîn deyndarên me ne.”
Yaşar Guler şertên welatên xwe yên ji bo vekişîna ji Sûriyeyê wiha rêz kirin:
“Sûriye dê destûra bingehîn qebûl bike, piştî wê dê hilbijartinên azad werin kirin. Piştre jî kî bû desthilat em dê wan qebûl bikin û em dê vegerin welatê xwe.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse