Fatîma astengdar e û ji zaroktiyê ve lingên xwe ji dest dane
Hewlêr (Rûdaw) - Fatîma ji bajarê Makuyê yê Rojhilatê Kurdistanê ye û ew 28 salî ye û her du lingên wê nînin.
8 xwişkên Fatîmayê hene û birayên wan nîn in, ew tevî dayik û bav dibin 11 kes lê bi tenê bavê wan dixebite.
Fatîmaya ku ji Makuyê ye niha li Stenbolê dijî.
Fatîma bi awayê her du destên wê nerast û lingên wê nînin ji dayik dibe.
Fatîmaya ku ji ber astengiyên xwe nikariye biçe dibistanê, bi awayekî fêrî xwendin û nivîsandinê bûye, piştre jî xwendin temam kiriye û bûye hesabdar.
Fatîma ji ber nebûna lingan jiyaneke zehmet dijî û hêvî û xewna wê ew e ku 2 lingên protez peyda bike û li ser wan raweste.
Ew ji bo lingên protez li Îranê diçe gelek nexweşxaneyan lê negihîştiye encameke ku karibe bimeşe.
Niha Fatîma bi saya xêrxwazan çûye Stenbolê û li vir ji bo ku lingên protez ji xwe re bide çêkirin tedawî dibe.
Derfetên malbata wê nînin û ew jî hawara xwe digihîne xêrxwazan ku alîkariya wê bikin.
Heta Stenbolê jî bi alîkariya xelkê hatiye û niha li mala malbateke Wanî mêvan e.
Ji bo ku protez ji wê re bêne çêkirin divê bi qasî du mehan li Stenbolê bimîne û tedawiya wê bê kirin.
Pereyekî zêde ji bo protezên taybet pêwîst in lê ewqas pereyên Fatîmayê nîne.
Eger xelk alîkariya wê bike Fatîma dê piştî 28 salan rabe ser xwe û karibe bimeşe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse