Maker li cewrikên sêwî xwedî derket

Hewlêr (Rûdaw) - Li navçeya Qamûşanê ya Qersa Bakurê Kurdistanê, maker li 2 cewrikên ku maka wan miriye xwedî derket û ew şîr dan.

Dêlika Soner Yaşarê ku li gundê Kizilçubukê heywanan bi xwedî dike 2 cewrik anîn.

Piştî demekê dêlika Soner Yaşar mir, maker li cewrikan xwedî derket û ew şîr dan.

Soner Yaşar bi kamêraya telefona xwe dîmenên dema ku maker şîr dide cewrikan qeyd kirin.

Yaşar diyar kir, ew cara yekê ye ku tiştekî wiha dibîne û got:

“Heywanên me li çêreyê diçêrin. Piştî ku dayika cewrikên me mir, êdî kera me li wan xwedî derket. Me dît ker şîr dide cewrikan, min jî bi kamêraya telefonê qeyd kir, dîmeneke xweş bû."

Di dîmenan de xuya dike ku cewrik tên û şîrê makerê dimijin.

Li Qersa Bakurê #Kurdistan'ê kerek du cewrikan şîr dide pic.twitter.com/RzzkuFoU3T

— RudawKurdi (@RudawKurdi) October 8, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger