Hewlêr (Rûdaw) - Li parêzgeha Rihayê ya Bakurê Kurdistanê, 30 xezalên li Stasyona Lihevzêdekirina Xezalan çêbûn, berdan çolê.
Xezalên ku nifşa wan li ber metirsiya nemanê ye, li Rihayê li Stasyona Lihevzêdekirina Xezalan a Birêvebiriya Giştî ya Parastina Siruştê û Parkên Neteweyî ya Wezareta Çand û Daristanan tên parastin.
Ji bo xezalan berdin çolê bi beşdariya Parêzgarê Rihayê Hasan Şildak û Rêvebirê Birêvebirê Herêma Rihayê yê Parastina Siruştê û Parkên Neteweyî Hakan Mumcuoglu merasîmek hat lidarxistin.
30 xezalên ku li stasyonê çêbûne û hatine mezinkirin di merasîmê de ber bi qada Pêşxistina Jiyana Kovî ya Kizilkuyuyê ve hatin berdan.
Ji bo ku xezalên herêmê werin parastin û hejmara wan were zêdekirin, sala 2005an Stasyona Lihevzêdekirina Xezalan hat avakirin.
Xezalên ku li stasyonê dizên, li Qada Lihevzêdekirina Jiyana Kovî ya Kizilkuyuyê ya li Rihayê tên berdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse