Hewlêr (Rûdaw) - Sîraç Ensarîogluyê kurê Parlamenterên AK Partiyê Salîm Ensarîoglu, nerazîbûn nîşanî heqaretên li ser Alaya Kurdistanê hatine kirin da û got, “Zimandirêjiya li ser van nirxan ne hedê ti kesî ye.”
Şaredariya Bajarê Mezin a Enqereyê Mansur Yavaş û Serokê Giştî yê ÎYÎ Partiyê Musavat Dervîşoglu heqaret li Alaya Kurdistanê kir û ev yek di nav Kurdan de bû cihê nerazîbûnê.
Mansur Yavaş û Musavat Dervîşoglu peyva paçik (paçavra) ji bo Alaya Kurdistanê bi kar anî.
Endamê Lijneya Şêwrê ya Bilind a Odeya Bazirganî û Pîşesaziyê ya Amedê (DTSO) Siraç Ensarîoglu der barê gotina “paçik” a ji Alaya Kurdistanê hatiye bikaranîn, daxuyanî da.
“Zimandirêjiya li ser van nirxan ne hedê ti kesî ye”
Sîraç Ensarîogluyê kurê Parlamenterên AK Partiyê Salîm Ensarîoglu li ser hesabê xwe yê medyaya civakî wêneyekî Serok Mesûd Barzanî û Serokkomarê Tirkiyeyê Recep Tayyîp Erdogan yê li ber Aalaya Kurdistanê belav kir û got:
“Van rojên dawî gotinên ku nirxên Kurdan dike hedef, rojeva Tirkiyeyê mijûl dike.
Her wekî ku Alaya Komara Tirkiyeyê ji bo Kurdan nirxeke girîng e, Alaya Hikûmeta Herêma Kurdistanê ya Îraqê jî ji bo Kurdan nirxeke girîng e.
Zimandirêjiya li ser van nirxan ne hedê ti kesî ye.”
Herî dawî li Parlamentoya Tirkiyeyê Alaya Kurdistanê bûbû sedema aloziyê ku parlamenterên ÎYÎ Partiyê gotibûn “paçik” û parlamenterên DEM Partiyê nerazîbûn nîşan dabû.
Di xwenîşandanên CHPyê de jî Serokê Şaredariya Bajarê Mezin a Enqereyê Mansur Yavaş bi heman awayî heqaret li Alaya Kurdistanê kiribû.
Son günlerde Kürtlerin değerlerini hedef alan bir söylem, gündemi meşgul etmektedir
— Siraç Ensarioğlu (@EnsSirac) March 28, 2025
Türkiye Cumhuriyeti Bayrağı nasıl Kürtleri için önemli bir değerse, Irak Kürdistan Bölgesel Yönetimi Bayrağı da Kürtler için önemli bir değerdir.
Bu değerlere dil uzatmak kimsenin haddi değildir pic.twitter.com/O92CsnAGFa
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse