Hewlêr (Rûdaw) - Li navçeya Dîwrîgê ya parêzgeha Sêwazê ya Bakurê Kurdistanê agir bi malekê ket.
Jin û mêr di nav agir de man û wan canê xwe ji dest da.
Li gundê Yuvayê yê navçeya Dîwrîgê ji ber sedemeke nediyar agir bi malekê ket.
Gundiyên agir dît û tîmên pêwendîdar ji rewşê agahdar kirin.
Li ser agadarkirinê tîmên tenduristiyê, tîmên parastina sivîlan û cendirme çûn cihê bûyerê.
Agir ji aliyê tîmên agirvemirandinê ve hat vemirandin lê di encamê de Ahmet Gozubuyukê 77 salî û hevjîna wî Çîçek Gozubuyuka 75 salî canê xwe ji dest da.
Tîman termê her du hevjînan veguhestin morga Nexweşxaneya Dewletê ya Dîwrîgê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse