Kurdistan
Hecî (Ziyad Hesan El Îbrahîm), Elî El Igêdî (Enwer Beşar El Ilêwî) û Qortay Hesekê (Ebûd Mehmûd El Hemade) / Wêne: HSD
Hewlêr (Rûdaw) - Hêzên Sûriyeya Demokratîk (HSD) ragihand ku şervan Elî El Igêdî, Hecî û Qortay Hesekê li herêma Dêrezorê di demên cuda de canê xwe ji dest da.
Navenda Ragihandinê ya HSDyê derbarê şervanên canê xwe ji dest daye daxuyaniyek da.
HSDyê got, “Hêzên me li dijî tevahî cureyên terorê, têkoşîneke domdar dimeşînin û ewlehiya şêniyan di tevahî şert û mercan de diparêzin.”
Li gorî daxuyaniya HSDyê, şervanên wan Enwer Beşar El Ilêwiyê bi nasnavê Elî El Igêdî, Ziyad Hesan El Îbrahîmê bi nasnavê Hecî û Ebûd Mehmûd El Hemadeyê bi nasnavê Qortay Hesekê dema li ser erka xwe bûn, di demên cuda de canê xwe ji dest daye.
HSDyê sersaxî ji malbatan re xwest û got:
"Em careke din soz didin ku têkoşîna xwe berdewam bikin heta ku xewnên şehîdan û welatekî azad ê bêteror û dagirkerî ava bikin.”
Cih û dema şehîdketina şervanan
Elî El Igêdî: Ji Dêrezorê ye û li devera Şinan a Derozê 21ê Îlonê 2024an canê xwe ji dest daye.
Hecî: Ji Hesekê ye û li devera Hewayic Zîbanê ya Dêrezorê 23yê Îlona 2024an canê xwe ji dest daye.
Qortay Hesekê: Ji Dêrezorê ye û li devera Hewayic Zîbanê ya Dêrezorê 23yê Îlona 2024an canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse