Xwendekareke 18 salî di Çemê Zapê de xeniqî

Hewlêr (Rûdaw) - Li qenahiyaza Şêladizê ya navçeya Amêdiyê ser bi Duhokê ve keçeke xwendekara dibistana amadehiyê ket  çemê Zapê û xeniqî.

Mamê wê keçê Mûsa Temer ji Rûdawê re got, biraziya wî Ceylan ji bo ders bixebitê çûbû baxçeyê wan, lê ew ketiye nav çem û jiyana xwe ji dest dide.

Ceylan a 18 salî ku xwendekara pola 12emîn bû,  ji bo ezmûna zanîngehê amadehiya xwe dikir.

Mûsa Temer da zanîn, ku dema Ceylan ketiye çem, ji dûr ve ji aliyê masîgirekî ve hatiye ferqkirin, ew masîgir gihîştiye cihê bûyerê û Ceylan ji avê derxistiye, lê di wê demê de xeniqiye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger