Hewlêr (Rûdaw) - Li parêzgeha Colemêrgê ya Bakurê Kurdistanê di bûyereke trafîkê de 11 kes birîndar bûn. 4 ji wan birîndaran mamoste û 2 jî xwendekarên dibistanê ne.
Li gor zanyariyan îro roja Înê 23ê Kanûna 2022an minûbûseke rêwiyan, li bajarokê Beylan ê girêdayî parêzgeha Colêmêrgê, ji ber barîna berf û pûkê ji rê derket û qulibî.
Di bûyerê de 11 kesên di minûbûsê de birîndar bûn ku 4 kes ji wan mamoste û 2 jî xwendekarên dibistanê bûn.
Li ser agahdarkirinê tîmên tendirustî çûn cihê bûyerê û birîndar rakirin nexweşxaneya Dewletê ya Colemêrgê.
Hat ragihandin ku rewşa tendirûstî ya birîndaran baş e.
Di van demên dawî de bi taybet bi hatina demsala zivistanê, li Bakurê Kurdistan û Tirkiyê bûyerên trafîkê zêde bûne. Li gor daneyên saziya amaran a Tirkiyê (TUÎKê), di sala 2021ê de milyonek û 186 hezar û 353 bûyerên trafîkê li seranserî Bakurê Kurdistan û Tirkiyê çêbûne ku di wan de 5 hezar û 362 kesan canê xwe ji dest dane û 274 hezar û 615 kes jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse