Hewlêr (Rûdaw) - Di qezayeke trafîkê ya di navbera Berdereş û Rovya ya Duhokê de 3 kesan canê xwe ji dest dan.
Rêveberê Polîsê Çûnûhatinê yê Rovyayê Seîd Ebdullah îro Pêncşemê ji Rûdawê re ragihand, otomobîl ji Berdereşê ber bi Rovyayê ve diçû û heta niha di wê bûyerê de 3 kesan canê xwe ji dest dane.
Li gorî Seîd Ebdullah, otomobîl piştî qulibiye agir pê ketiye, ji ber ku “bilez” diçûye.
Qeza li ser rêya Berdereş û Rovyayê di demjimêr 21.15an de li nêzîkî gundê Qerenaz ê nahyeya Rovya ya Duhokê rû daye.
Di qezayeke trafîkê ya li ser rêya Berdereş-Rovya ya #Duhok'ê de 3 kesan canê xwe ji dest dan. pic.twitter.com/ci8PsJkZT5
— RudawKurdi (@RudawKurdi) March 23, 2023
Di otomobîlê de 4 kes hebûn, yek ji wan birîndar e. Seîd Ebdullah diyar kir ku rewşa wî jî giran e û ew şandine Nexweşxaneya Hawarçûnê ya Akrê.
Heta niha nasnameyên qurbaniyan nehatine eşkerekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse