Şandeke rewşenbîr û siyasetvanên Efrînê dê bi Konsulê Filîstînê re bicive

Hewlêr (Rûdaw) - Şandeke ji kesayet, rewşenbîr û siyasetvanên Efrînî yên li Herêma Kurdistanê dê îro Yekşemê bi Konsulê Filîstînê li Hewlêrê re bicive.

Kesayetî û rewşenbîrê xelkê Efrînê Zekeriya Huserî ji Rûdawê re ragihand, li ser daxwaza Konsulê Filîstînê li Hewlêrê Nezmî Hezûrî, îro şandeke kesayet, rewşenbîr û siyasetvanên xelkê Efrînê bi wî re bicive û wê çawaniya rawestandina avakirina komelgehan li Efrînê bi navê hinek komelgehên Filîstînê gotûbêj bikin.

 Zekeriya Huserî ji Rûdawê re got, ev civîn wê weke encamekê be ji civîna wan a berê, piştî ku wan name û belgeyên xwe radestî Konsulê Filîstînê kirin.

Hat diyarkirin ku civîn dê di demjimêr 13.30an de were kirin û şande Lêkoler Zekeriya Huserî weke serokê şandeyê, Mihemed Receb, Mihemed Hemo, Tariq Xêrikî, Ebdo Hebeş, Ebdulrehman Camo û Ednan Murad pêk tê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger