Hewlêr (Rûdaw) - Keçeke Kurd a bi navê Lara Elî ya 16 salî li bajarê Raniye yê Herêma Kurdistanê bi guleyekî birîndar bû û rakirin nexweşxaneyeke bajarê Silêmaniyê, lê li nexweşxaneyê canê xwe ji dest da.
Bûyer duh Duşemê 17ê Nîsanê li Îdareya Xweser a Raperînê bajarê Ranyeyê çêbûye.
Berdevkê Polîsê Raperînê, Şoriş Îsmaîl îro Sêşemê 18ê Nîsanê ji Rûdawê re ragihand: “Keçika ku li ser laşê wê şopa gule hebû, duh rakirin Nexweşxaneya Perwerdehiyê ya Ranyeyê û piştî dermankirina destpêkê ji ber giraniya birînan, ew şandin Silêmaniyê.”
Berdevkê Polîsê Raperînê got: “Xizmên Lara îro ji me re ragihandin ku ew miriye. Li gorî agahiyên xizmên wê, wê fîşek berdaye xwe, lê me dest bi lêkolînê kiriye û heta niha jî nediyare sedema rastî çi ye û gelo bûyer xwekujî ye yan tiştekî din e.”
Lara Elî ya 16 salî pola çarê ya lîseyê dixwend, xelkê gundê Goktepe û niştecihê bajarê Ranyeyê bû.
Li gor çavkaniyekî ji Rêveberiya Tendirustiya Raperînê, şopa gule li ser serê Larayê hebûye.
Bûyera birîndarbûna Larayê duh bûye û îro nîvro ji ber giraniya birînê, li nexweşxaneyeke bajarê Silêmaniyê canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse