Hewlêr (Rûdaw) - Welatiyên bajarê Qamişloyê bi daxwaza çareserkirina pirsgirêka avê xwepêşanda kir û rêya Amûdê ji çûn û hatinê re girt.
Li hinek taxên bajarê Qamişloyê yê Rojavayê Kurdistanê ev nêzîkî du hefteyan e pirsgirêka avê derketiye.
Yek ji taxên ku pirsgirêka avê lê heye Taxa Hilêliyê ye.
Niştecihên wê taxê, bi daxwaza çareserkirina pirsgirêkê îro xwepêşandar kir.
Xwepêşanderan rê girt
Li hinek taxên bajarê Qamişloyê yê Rojavayê Kurdistanê ev nêzîkî du hefteyan e pirsgirêka avê derketiye
— RudawKurdi (@RudawKurdi) June 17, 2024
Welatiyên bajarê Qamişloyê bi daxwaza çareserkirina pirsgirêka avê rêya Amûdê ji çûn û hatinê re girt pic.twitter.com/zKdwXZHaJU
Xwepêşanderan rêya sereke ya Qamişlo-Amûdê ji çûn û hatinê re girt.
Xwepêşanderan got ku çavkaniya ava Qamişloyê ji taxa wan e lê ew bê av in.
Xelkê Qamişloyê hawara xwe gihand Rûdawê û xwest ku Rûdaw dengê wan bigihîne Rêveberiya Xweser.
Li aliyê din medyaya Rêveberiya Xweser jî da zanîn ku Daîreya Avê ya bajar, ji bo çareserkirina pirsgirêkê kar dike û av daye hinek taxên bajêr.
🔴Hinek taxên Qamişloyê bê av mane
— RudawKurdi (@RudawKurdi) June 17, 2024
Niştecihên Qamişloyê hawara xwe gihand Dilbixwîn Dara û xwest dengê wan bigihîne Rêveberiya Xweser pic.twitter.com/qpOKgd0YM4
Ava Qamişloyê ji kû derê tê?
Ava ji bo Qamişloyê pêwîst ji sê staysyonan tê peydakirin.
Di van salên dawiyê de nifûsa bajêr zêde bûye û êdî ava wan her sê stasyona têra bajêr nake.
Herwiha stasyona Hilêliyê ku stasyona herî mezin e û nêzî ji sedî 80 ava pêwîst jê tê niha xirab bûye.
Tîmên pêwendîdar ji bo çareseriyê kar dikin û lê hîn jî bi temamî pirsgirêk nehatiye çareserkirin.
Welatiyê Qamişloyê Dirêî Mihemed ji Rûdawê behsa pirsgirêkên bajarê xwe kir:
— RudawKurdi (@RudawKurdi) June 17, 2024
🎤"Milet gelekî perîşan bûye û roja me ji şevê tarîtir bûye" pic.twitter.com/hj6khoLWWY
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse