Hewlêr (Rûdaw) - Li parêzgehên Riha û Êlihê yên Bakurê Kurdstanê di du qezayên cuda de kesek mir û 9 kes jî birîndar bûn.
Li navçeya Curnê Reş a parêzgeha Rihayê ya Bakurê Kurdistanê, otomobîl wergeriya û 6 ji wan zarok 9 kes birîndar bûn.
Li ser rêya Curnê Reş û Siwêregê, otomobîla ku Mehmet Gozeler diajot ji rê derket û wergeriya.
Di encama bûyerê de şofêr û Gurbeta 42 salî, Sultana 64 salî, Meryema 36 salî, Hemzeyê 9 salî, Celalê 9 salî, Ferhatê 5 salî, Hasanê 3 salî, Havaya 3 salî û Yagmura 1 salî ku ji malbata Gozeler bûn birîndar bûn.
Li ser agahdarkirinê tîmên tendirustiyê û hêzên emnî bo cihê bûyerê hatin şandin. Birîndar ji aliyê tîmên tendirustiyê ve bo nexweşxaneyên cuda yên Rihayê hatin veguhestin.
Hat zanîn rewşa birîndaran bi giştî baş e û metirsiya wan a canî nîne.
Li Êlihê ap mir û birazî birîndar bû
Li ser rêya Amed û Êlihê otomobîla ku Îshan Işikê 38 salî diajot ji rê derket û qulibî.
Di encamê de şofêr Îshan Işik û biraziyê wî Murat Işik birîndar bûn.
Li ser agahdarkirinê polîs û tîmên tenduristiyê çûn cihê bûyerê.
Tîmên tenduristiyê birîndar birin Nexweşxaneya Perwerde û Lêkolînê ya Êlihê.
Li nexweşxaneyê tevî hemû midaxaleyan Îshan Işik canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse