Hewlêr (Rûdaw) - Kabîneya Tirkiyeyê îro li Enqereya paytexta Tirkiyeyê bi serokatiya Recep Tayyîp Erdogan dicive.
Mijarên herî girîng mûçeyê herî kêm û bipêşketinên li Sûriyeyê ne.
Kabîneya Tirkiyeyê îro demjimêr 15:00an bi serokatiya Serokkomarê Tirkiyeyê Recep Tayyîp Erdogan li Enqereyê dicive.
Di civîna kabîneyê de mijara serekî zêdekirina mûçeyê herî kêm e ku demeke dirêj e di rojeva Tirkiyeyê de ye.
Divê berî 1ê Kanûna Paşîn a 2025an mûçeyê nû yê herî kêm bê ragihandin ku niha 17 hezar û 2 lîre ye.
Sendîkaya karkeran TURK-Îşê ragihand ku karkeran ji bo mûçeyê nû yê herî kêm 29 hezar 583 lîre daxwaz kiriye.
Sendîkayên karker, karsaz û hikûmetê heta niha 3 civîn kirin lê lihevkirinek çênebû. Civîna çaremîn dê di nav vê hefteyê de bê kirin.
Herwiha geşedanên dawî yên li Sûriye û Rojavayê Kurdistanê jî di rojeva kabîneyê de ne.
Dê ligel bipêşketinên dawî peywendiya li gel rêveberiya nû ya Sûriyeyê û vegera koçberan bê gotûbêjkirin.
Tê çaverêkirin, Erdogan piştî civîna kabîneyê civîneke medyayê saz bike û biryarên kabîneyê ji raya giştî re ragihîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse