Tirkiye Binarê Qendîl û devera Biradost bombebaran dike

Hewlêr (Rûdaw) – Bi tohmeta hebûna binke û baregehên Partiya Karkerên Kurdistanê (PKK), firokeyên şer ên Tirkiyê Binarê Qendîl û devera Biradost bombebaran dikin.

 

Peyamnêrê Rûdawê ji navçeya Soranê ragihand ku sê firokeyên şer ên Tirkiyê ji saet 20:00ê ve derbasî esmanê Başûrê Kurdistanê bûne û bi awayekî sift hejmarek gund û bilindahiyên Binarê Qendîl û devera Biradost a li sînorê parêzgeha Hewlêrê bombebaran dikin.

 

Herwiha Qeymeqamê Navçeya Rewandizê Kiwêstan Ehmed jî ji Rûdawê re ragihand ku firokeyên şer ên Tirkiyê, gundên Sergelî, Kelekî Baleyan û bilindahiyên Zargelî bombebaran kirine û ji ber vê yekê tirs û nîgeranî li cem niştecihên wan deveran çêbûye.

 

Li ser sînorê Biradost jî, Rêveberê Bajarokê Sîdekan Îhsan Çelebî ji Rûdawê re eşkere kir ku bilindahiyên Xwakurik, Gelê Reş û bilindahiyên Şapan hatine bombebarankirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger