Hewlêr (Rûdaw) - Li parêzgeha Xarpêtê ya Bakurê Kurdistanê, îro 15ê Çileya 2023ê ji ber berf û pûkê rêya 112 gundan hat girtin.
Rêveberiya Xizmetên Rê û Veguhestinê ya Îdareya Taybet a Xarpêtê ragihand, li herêmên bilind ê parêzgehê barîna berfê û bandora pûkê berdewam e.
Ji ber berf û pûkê li navenda Xarpêtê rêya 14 gundan, li navçeya Xoxê rêya 43 gundan, li navçeya Depê rêya 20 gundan, li navçeya Paloyê rêya 16 gundan, li navçeya Kebanê rêya 7 gundan, li navenda Qovanciyan rêya 6 gundan, li rêya Mehdenê rêya 5 gundan û li navçeya Baskîlê rêya gundekî hat girtin.
Di encama xebata tîman de li navendê rêya 10 gundan, li navçeya Xoxê rêya 17 gundan û li navçeya Baskîlê rêya gundekî hat vekirin.
Xebatên vekirina rêyên 84 gundên din jî berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse